Qabaqcıl texnologiya, müassir iqtisadiyyata sahib olan Almaniya, keyfiyyətli təhsillə də cazibədar fürsətlər təqdim edir. Dünyada 100 milyon insan üçün əsas dil, təxminən 80 milyon insan üçün isə ikinci dil olan alman dili, ölkəmizdə də çox tələbələrin üstünlük verdiyi bir dildir. Alman dili Avropa Birliyində olan 90 milyon (18%) insan üçün ana dilidir. Almaniyadan başqa İsveçrə və Avstriyada danışılan bu dil, Avropada ən geniş yayılmış dildir.  Xaricdə Alman dili təhsili almağın üstünlüyü, dil təhsili alarkən, eyni zamanda tətil edə bilmə şansıdır. Alman dilini öyrənmək üçün daha çox Frankfurt, Düsseldorf, Berlin və Münxenə üstünlük verilir. Eyni zamanda Almanların mədəniyyəti, ənənə və adətləri ilə unudulmaz bir təcrübə yaşayacaqsınız.

Almaniyada  həftədə minimum 20 dərsdən başlayaraq 3 aya qədər davam edən dil kurslarında iştirak etmək üçün turist vizası alınır. Daha uzun müddətli proqramlar üçün tələbə vizası alınır. Almaniyada dil kurslarında  təhsil alan tələbələrə iş icazəsi verilmir.